မေမေချစ်သောသားကြီးကိုဥဂ္ဂါ

(အများအကျိုးဆောင်၊ကိုယ့်အကျိုးအောင်-ဆိုပေမဲ့-ကိုယ့်အကျိုးအောင်-ချင်တာနဲ့တော့ အများအကျိုးမဆောင် ပါနဲ့) ဆိုတဲ့ သားကြီး ရေးခိုင်း အတိုင်းမေမေ ရေးဘို့ စဉ်းစားနေခဲ့ပါတယ် သားကြီးရေ…။ မေမေရောက်နေတဲ့ရောမမြို့ ဟာအရင်က မေမေနေခဲ့တဲ့တောင်ပေါ်မြို့လေးနဲ့ခြားနားစွာ ပူနွေးစွတ်စို လှပါတယ်..။

ပင်လယ်နဲ့နီးတဲ့အပြင် ဥရောပရဲ့ နွေရာသီကိုရောက်ခဲ့ပြီမို့ နွေးထွေးလာပါတယ်၊သည်နေ့တော့ ထူးခြားစွာ လေရောမိုးပါ ပြင်းထန်နေ ခဲ့တယ်။အိမ်တွင်းအောင်းရင်း သားပြောတဲ့ ခေါင်းစဉ်ကိုစဉ်းစားတော့ မေမေ့ခေါင်းထဲကို (အရီးတောင်းကြက် ခြေနီလဘက် သုပ်) ပေါ်လာခဲ့ပါတယ်သားရေ..။ မိုးအေးအေးနဲ့ ချဉ်ချဉ်စပ်စပ် လဘက်သုပ်ကလေး ကို စားချင်လာတာလည်း ပါတာပေါ့ လေ။ စေတနာ ဆိုတာ ဆန်းကြယ် တတ်လို့ပါ။

မေမေတို့မြန်မာ ပြည်မှာ လက်မလည်အောင်ရောင်းရတဲ့ အရီးတောင်းကြက်ခြေနီ လဘက်သုပ်ဟာ ရောင်းကောင်းအောင်ဆိုပြီး ကြိုတင်ကြံစည်စိတ်နဲ့ ဖေါ်စပ်တီထွင်ခဲ့တာမဟုတ်ပါဘူးသားရေ။

မန္တလေးမြို့ရဲ့ ဆေးရုံတစ်ခုအတွင်း လုပ်အားပေးကြတဲ့ ကြက်ခြေနီလူငယ်လေးတွေကို အရီးတောင်းလဘက်ဆိုင်က လဘက်သုပ် ဧည့်ခံကျွေးမွေး မယ် စီစဉ်ပါတယ်သား။

အခုလိုမိုးအေးအေး ရာသီဥတုအချိန်လေးဖြစ်နေတော့ ခံတွင်းလိုက်သွားအောင် ငရုတ်သီးစိမ်းလေးလည်းထည့်အုံးမှ၊ အချဉ်လေးလည်း ကဲဦးမှ ၊ရေနွေးပူလေးနဲ့လည်း လိုက်ဖက်အောင်ဆိုပြီး စေတနာကဲကဲလေး သုပ်ပေးလိုက်ပါတယ်တဲ့။

တကယ်လည်း အစပ်အဟပ်တည့်ခဲ့တော့ လုပ်အားပေးတဲ့ကြက်ခြေနီ မောင်မယ်လေး တွေ စားလိုက်ကြတာ။ ရေနွေးတစ်ရှုးရှုး သောက်ရင်း အမောအပန်းတွေလည်းပြေခဲ့ပါတယ်။

နောက်တစ်နေ့ကျတော့ဆိုင်ကို လာမေးကြတော့တာပဲ ဟိုတစ်နေ့ကလို အသုပ်မျိုး မရှိဘူးလား။ မရှိဘူးလား။ လာမေးကြတဲ့လူတွေများ လွန်းတာနဲ့ တင်ရောင်းလိုက်တာ ဈေးကွက်ဝင်ရောင်းပန်းလှ ပစ္စည်း ဖြစ်ခဲ့ပါတယ်။

အဲဒီအကြောင်းလေးကိုမေမေ ကမဂ္ဂဇင်းတစ်ခုထဲမှာဖတ်ဘူးခဲ့တယ်သား။ မေမေတို့တွေ ဟာ အကျိုးပြုလုပ်ငန်း၊ Volunteer၊စေတနာ ဝန်ထမ်း ဘယ်လိုခေါင်းစဉ်တပ်တပ်…စတင်ဆောင်ရွက်ကတည်းက ဘယ်သူ့ကိုလုပ် ပေးမှာလဲ..။ မစခင်ကတည်းက စေတနာနဲ့စတင် ကြရပါမယ်သားရေ။ ကိုယ်ဆောင်ရွက် ပေးရမဲ့လူ နေရာ ကနေ ခံစားနားလည်မှုအပြည့်ရှိရမှာပေါ့။

အဲဒါကို ကျေးဇူးတော်ရှင် ပိုင်းလော့ဆရာတော်ဘုရားကြီးကသင်ပေးဘူးပါတယ်။ ဘာပဲလုပ်လုပ် နှလုံးသား ကိုထပ် တူပြုထားပါတဲ့။သူ့ခံစားမှုသည် ကိုယ့်ခံစားမှု၊ သူ့နောင်ရေးသည်ကိုယ့်နောင်ရေး၊သူ့ နှလုံးသားသည် ကိုယ့်နှလုံးသား၊ ထပ်တူပြုထားပါတဲ့။

ရေတစ်ခွက်တိုက်တာတောင် မောလာရှာသူရဲ့ ရေငတ်နေသောနှလုံးသား ကို ခံစားထပ်တူပြုပြီး အေးအေးသန့်သန့်ရေလေးကို တိုက်တတ်ရပါမယ်သား။ သူအမောပြေသွားတာ၊ ရွှင်လန်းတာကိုို ကြည့်ပြီး ဝမ်းသာလိုက်တာနဲ့ ကိုယ့်နှလုံးအိမ်မှာ စေတနာသတ္တိဟာကိန်းတော့ တာပါပဲ။

အာရုံပုံရိပ်တွေဆိုတာ နှလုံးအိမ်မှာ ခွေဖမ်းသလို သတ္တိကိန်းတတ်တဲ့ သဘောရှိ်တာကိုး။သည်တော့ တူသောအကျိုးပေးတွေ က ဖမ်းထားတဲ့အခွေပြန်ဖွင့်သလို အသံပြန်ထွက်တာပေါ့သား။ သီချင်းသံဆို သီချင်းသံ။တရားသံဖမ်းခဲ့ရင် တရားသံ၊ဆဲသံဆိုသံဆို ဆဲဆိုသံပဲပြန် ထွက်တတ်တာ သဘာဝပါပဲ။

စစ်မှန်တဲ့ စေတနာဖြစ်ဘို့ဆိုတာက သူ့အတွက် စဉ်းစားပေးရပါမယ်သားရေ။ ကိုယ့်အတွက်ဘယ်လောက် ကျန်မလဲ၊ဘာတွေပြန်ရမှာလဲ စတွေးပြီ ဆိုကတည်းက ဖြောင့်စင်းတဲ့စေတနာ ဘယ်ဖြစ်နိုင်ပါတော့မလဲ။ စေတနာမဖြောင့်ရင် အကျိုးပေးလည်းမဖြောင့်စင်းတော့ဘူးလေ။ကိုယ် သွင်းတဲ့အတိုင်းအသံပြန်ထွက်တာ ပါပဲ။

တရားတော်တွေဆိုတာက သစ္စာတရား။အမှန်တရား၊ တစ်ခွန်းလိမ်တာပါသွားရင် တရားမတက်တော့ ဘူး။ဆက် အားထုတ်လို့မရတော့ဘူး။စေတနာ ဖြောင့်စင်းဘို့အရေးကြီးတာကို ကျေးဇူးတော်ရှင်  ဆရာတော် ဦးဇောတိက ကမိန့်ကြားဘူးပါတယ်သား။

ဘာပဲဖြစ်ဖြစ် သားသားတို့မှတ်ရလွယ်တဲ့ ကြက်ခြေနီသုပ်ဖော်မျူလာကို မှတ်မိကျင့်သုံးနေရင်မေမေ ဝမ်းသာနေ မှာအမှန်ပါပဲသားကြီးရေ../

(ဤစာစုဖြင့်–အများအကျိုးပြုလုပ်ငန်းများကွင်းဆင်းဆောင်ရွက်ရန်ကယားပြည်နယ်သို့ရောက်ရှိနေသော—-သားကြီးကိုဥဂ္ဂါ ကိုဂုဏ်ပြုအပ် ပါတယ်။ )

ချစ်သောမေမေ—သစ္စာအလင်း 

မေမေချစ်သောသားကြီးကိုဥဂ္ဂါ

သားကြီး ကိုမေမေ စတင်မွေးဖွားခဲ့တဲ့ ကာလလေး ဟာ မေမေ့ဘဝရဲ့ အမှတ်တရ–ဖြစ်သောအမှတ်တရ–များစွာ တွေထဲမှာ အမှတ်တရ အဖြစ်ရဆုံး ပါပဲသားကြီးရေ..။

မေမေ ဟာအဲဒီတုံးက ရန်ကင်းတောင်အရှေ့ဘက် မှာတည်ရှိတဲ့ စိုက်ပျိုးရေးသိပ္ပံ ပုသိမ်ကြီးမှာ ဆရာမ အဖြစ်တာဝန်ထမ်းဆောင်နေတဲ့ အချိန်မှာပေါ့..။ရန်ကုန်ကနေ မွေးဖွားခွင့် ယူဘို့ ပုသိမ်ကြီးကိုလာခဲ့တယ်။ ၁၉၈၇ စက်တင်ဘာလ ၃ရက်နေ့မှာပါ…။

ခွင့်တင်ပြီးတာနဲ့ မေမေ ဟာ ၅ရက်နေ့ ညရထားနဲ့ ညမှာ ရန်ကုန်ပြန်မယ်ပေါ့။စက်တင်ဘာလအတွက်လစာငွေ ၄၅၀ကျပ် ကို ထုတ်ယူပြီးမေမေ ဟာ မကြာခင် မှာလူ့လောကထဲရောက်လာမဲ့ သားကြီးတွက် ပြင်ဆင်ပါတယ်..။ရန်ကုန် မန္တလေး အထက်တန်းတွဲလက်မှတ် မှာပါတယ်..။မေမေ့အတွက် ဆွယ်တာတစ်ထည်၊သားကြီးအတွက် တရုတ်နို့မှုန့်၊ သူငယ်နာပေါင်းချုပ်ဆေး၊ လေနှင်ဆေး စသည်ဖြင့် မန္တလေးက နာမည်ကျော်မြန်မာဆေးတွေ ဝယ်ယူပြီး ၅ရက်နေ့ မနက်မှာ မေမေ့လက်ထဲ အစိတ်တန် ၄ရွက်သာကျန်ပါတော့တယ်..။

အဲဒီနေ့မနက် ၈နာရီသတင်းကို ကြားလိုက်ရတဲ့ မေမေ့သူငယ်ချင်းဟာ ပြေးလာပြီး ပိုက်ဆံအိတ်ဖွင့်စစ် ဘို့လာပြောပါတယ်..။ဘာဖြစ်တာလဲ–မေမေကမေးပါတယ်…။ ၇၅ကျပ်တန်၊ ၅၀တန်၊ ၂၅ကျပ်တန် တွေ တရားမဝင်ကြောင်းကြေငြာလိုက်လို့တဲ့..။ရန်ကုန်ပြန်ဘို့ မေမေ လက်မှာ ၂၅ကျပ်တန် ၄ရွက်နဲ့ ၁၀တန်၊ ၅ကျပ်တန်တွေကျန်နေပါတယ်..။

အဲဒီအချိန်မှာ လက်မှတ် မှာထားတဲ့သူ က အထက်တန်းလက်မှတ်မရကြောင်း ရိုးရိုးတန်းပဲရ ကြောင်းပြောပြပြီး ပိုနေတဲ့ပြန်အမ်းငွေ က၁၀-ကျပ်တန်တွေချည်းသာဖြစ်နေခဲ့ပါတယ်..။

တကယ်ဆို လခစားမေမေ ဟာ လခကို တထိုင်ထဲ မသုံးခဲ့ပါဘူး တစ်လစာ-စီမံရမှာမဟုတ်လား။ ဝက်သားတစ်ပိဿာ ၂၈ကျပ်။ဆန်တစ်ပြည် ၁၀ကျပ်၊ ဆီတစ်ပုလင်း ၁၅ကျပ်၊ ဘီစကစ်တစ်ထုပ် ၆ကျပ် ၊ ကြက်ဥတစ်လုံး ၇၅ပြား ဆိုတဲ့ခေတ်မှာ…မေမေ့ အသုံးစရိတ်ဟာ လစဉ် ၁၂၅ ကျပ်လောက်သာ ရှိတာပဲ..။ဖိုးဖိုးဖွားဖွားတို့ကို လစဉ် ၁၀၀ ပြန်ကန်တော့နိုင်တာပဲ..။

အခုတော့တစ်ထိုင်ထဲသုံးထားလိုက်မေမေရေ…လို့ ဗိုက်ထဲက သားကသတိပေးနေတာများလား သားကြီးရေ..။ရန်ကုန်ရောက်တော့လည်း ကျန်တဲ့ ၂၅ကျပ်တန်လေးရွက်ကို လာဝယ်တဲ့လူရှိလို့ပြန်ရောင်း လိုက်တာ..မေမေ့လစာ အဟောသိကံ ဖြစ်ခဲ့တာ ၄၅၀မှာ ၄၀ကျပ်လောက်သာဖြစ်ခဲ့ပါတယ်..။

၁၃ရက်နေ့မှာ သားကို မွေးတော့ နေ့သူနာပြု က ၃၀ကျပ်၊ ညသူနာပြု က ၃၅ကျပ် မေမေ့ စုဆောင်းငွေတွေနဲ့ အဆင်ပြေခဲ့တယ်..။ ဆေးရုံကဆင်းပြီး မီးထွက်တဲ့ နေ့မှာတော့မေမေ့ ပုသိမ်ကြီးကျောင်းကသူငယ်ချင်းဟာ မေမေ့ကို စောင့်မျှော်လို့ နေပါတော့တယ်..။လက်ထဲမှာ ၁၅ကျပ်တန် အသစ်စက်စက် အရွက် ၃၀-ပါဝင်တဲ့ မေမေ့ရဲ့ စက်တင်ဘာလ ဒုတိယမြောက်လစာ ပေ့ါသားရေ..။

လဆန်းရက်ဖြစ်လုိ့ ခက်ခဲကြသောဝန်ထမ်းများအတွက် ထပ်ထုတ်ပေးတာပါတဲ့..။မေမေဝန်ထမ်းလုပ်ခဲ့တာ ၁၈နှစ်…လစာ၂လစာရတာအဲဒီတစ်ခါပါပဲ..။ သား လောကထဲရောက်ရှိလာတဲ့ အဲဒီ ၁၉၈၇-စက်တင်ဘာလ လေး ကို မေမေ ချစ်သေား သားကြီးဘဝထဲကို ဝင်ရောက်လာခြင်းအဖြစ် အမှတ်တရ ဖြစ်နေတာ မဆန်းပါဘူးနော်..။မေမေ ကတော့ သားကိုပွေ့ပိုက်ရင်း ပြုံးလို့သာ နေပါတော့တယ်..။

ချစ်သောမေမေ

သစ္စာအလင်း

မသန်စွမ်းသူ၊ဖေးမကူ

မေမေချစ်သော–သားကြီးကိုဥဂ္ဂါ

မသန်စွမ်းတဲ့သူများ စာရင်းSurvey ဆင်းဘို့ ကယားပြည်နယ်၊လွိုင်ကော်၊ဒီမောဆိုးမြို့တွေမှာ တစ်အိမ်တက် ဆင်း လူထုကြားမှာ တိုးဝင်လှုပ်ရှား နေပုံလေးတွေ မေမေ မြင်ယောင် နေမိတယ်..။ဟိုးအခါတုံး ကရုပ်ရှင်မင်း သားရဲအောင် မင်းသားအဖြစ် စတင်ရိုက်ကူးခဲ့ ဘူးတဲ့ မေတ္တာအိမ်-ဆိုတဲ့ ဇာတ်လမ်း မှာ ဆရာဝန်လုပ်တဲ့ ရဲအောင် ဟာ ကယားပြည်နယ် ဖားဆောင်းမြို့နယ်တွေ အထိ ကွင်းဆင်းကုသပေးတဲ့ဆရာဝန် အဖြစ်သရုပ် ဆောင် ခဲ့တာမေမေ မှတ်မိနေခဲ့တယ်..။

သားလည်း အဲလိုနေမှာပဲလို့မေမေ ထင်တယ်။မေမေ ဂုဏ်ယူပါတယ်သား။ ကယား ဆိုတာကလည်း–ရိုးသားဖြောင့်မတ်ကြတဲ့ မေမေတို့ရဲ့သွေးသားတွေပဲပေါ့။မတော်ဘူးတဲ့ဆွေမျိုးမှ မရှိတာ..။

သားကောက်ယူခဲ့တဲ့ကိန်းဂဏန်းတွေ၊ အချက်အလက်တွေ ဟာ မသန်စွမ်းတဲ့လူတွေအတွက် ဘဝတစ်ဆစ် ချိုး စေနိုင်ပါလိမ့်မယ်လို့မေမေ ယုံကြည်နေတယ်လေ..။ ဒါ့အပြင် ကျေးလက်နေလူထုနဲ့ တွေ့ထိဘူးတဲ့ အတွေ့အကြုံ ဟာ အလွန်အဘိုးတန်ပါတယ်….။ထဲထဲဝင်ဝင်သိလေ…ကိုယ့်ရဲ့ ဂရုဏာတရား ဟာ လေးနက်ပီပြင် လေပဲ။

အယူသမားတွေဟာ–ကွေ့ကောက်တယ်တဲ့၊ အပေးသမားတွေ ဟာ–ဖြောင့်တန်းကြပါတယ် လို့  မေမေတို့ရဲ့ ကျေးဇူးတော်ရှင်ပိုင်းလော့ ဆရာတော် ဘုရားကြီးက မိန့်မြွက်ဘူးပါတယ်။

ကိုယ်ဘာပေးရမလဲဆိုတဲ့စိတ်ကလေးနဲ့ သာသွားလာလှုပ်ရှားပါ။ပေးချင်တယ် ဆိုတဲ့စိတ်ကလေး ကိုယ့်နှလုံးအိမ်မှာ ဖြစ်တည် လိုက်တာနဲ့ ကာယကံတွေ၊ဝစီကံတွေ၊မနောကံတွေဟာ အလိုလို အကွက်ကျကျ လှုပ်ရှားပေးပါလိမ့်မယ်..။အထူးသတိထားပြုပြင်နေစရာမလိုဘူးပေါ့သား။

ကိုယ်ကပေးရတယ် ဆိုပြီး One Up Position နဲ့ စိတ်ကြီးဝင်တာမျိုးတော့ သားသားမှာ မရှိတာ မေမေသိနေပါတယ်။နာဂစ်ကာလတုံး က လူတွေတော်တော် များများ သားကြုံခဲ့ပြီးပြီပဲ..။

သည် တစ်လခွဲအတွင်းမှာ —သားကြီးဟာ ရင့်ကျက်မှုများစွာနဲ့ ၁၀နှစ်စာမက တိုးတက်ပြောင်းလဲပြီး ပြန်လာလိမ့်မယ် ဆိုတာ မေမေ ချွင်းချက်မရှိယုံကြည်နေတယ်လေ..။

အောင်မြင်ပါစေကြောင်း ဆုတောင်းမေတ္တာပို့သပါတယ်ကလေးရေ..။

(သားကြီး ရဲ့ ဘလော့ကိုလာရောက်ဖတ်ရှုသူများကိုလည်း သားကိုယ်စား ကျွန်မ ကမေတ္တာပို့သပါတယ်..။)

သစ္စာအလင်း